سبەی ئەنجومەنى وەزیرانى هەرێمى کوردستان کۆدەبێتەوە
.jpg)
سبەی ئەنجومەنى وەزیرانى هەرێمى کوردستان کۆدەبێتەوە. بەگوێرەى کارنامەکەى، تاوتوێى دەرئەنجامى گفتوگۆکانى شاندى هەرێمى کوردستان و بەغداد سەبارەت بە پرۆسەی هەناردەکردنەوەی نەوت و مووچەى مانگەکانى ئایار و حوزەیرانى مووچەخۆران دەکرێت.
حکومەتى هەرێمى کوردستان رایگەیاندووە، سبەی ئەنجومەنی وەزیران لەسەر خستنەڕووى دەرئەنجامى کۆبوونەوەکانى ئەمدواییەى نێوان شاندى هەرێمى کوردستان و شاندى حکومەتى فیدراڵ بە ئامادەبوونى نوێنەرى کۆمپانیا نەوتییەکان سەبارەت بە هەناردنەکردنەوەى نەوتى کورستان لەڕێى کۆمیانیاى سۆمۆوە کۆدەبێتەوە.
لە کارنامەکەی حکومەتى هەرێمی کوردستاندا هاتووە، بەدواداچوون بۆ مووچەى مانگەکانى ئایار و حوزەیرانى مووچەخۆران دەکرێت.
دەشڵێ، دەرئەنجامى کۆبووەنەوەکان لەلایەن وەزیرى سامانە سروشتییەکان و سەرۆکى ئەنجومەنى دیوان و سکرتێرى ئەنجومەنى وەزیرانەوە دەخرێتەڕوو.
ئه‌م بابه‌ته 216
جار خوێنراوه‌ته‌وه
AM:12:05:02/07/2025