بەڕاستی دوو مەجیدی

               ( لەیاداشتەكانی سه‌عید ناكام )بەڕاستی دوو مەجیدن    
سه‌عید ناكام لەیاداشتەكانیدا دەگێڕێتەوەو دەڵێت دوای ڕێكەوتننامەی ١١ی ئازاری ١٩٧٠ لەگەل دارا تۆفیق و ساڵح یوسفی و كۆمەلێك ڕۆشنبیردا چوینە بەغدا بۆ دەركردنی ڕۆژنامەو گۆڤار ، من تەكلیف كرام لە گۆڤاری ڕۆژی كوردستان دەست بەكار بم لەوێ چەند ژمارەیەكی گۆڤارەكەمان دەر كرد ، لەیەكێك لە ژمارەكانی گۆڤارەكەدا وتارێكم نوسی ، تێیدا باسی سروشت و كەش و هەوای كوردستانم كردبو كە لە زستاندا سەخت و نالەبارە بۆیە كورد زۆر ناڕەحەت دەبن پێی بەڵام لەگەڵیشیدا ڕاهاتون و ساڵانە خۆی بۆ ئامادە دەكەن و ئیتر بەم جۆرە ، دواتر لەلایەن كوردێكی ئەوكاتەوە كەلەبەغدا پۆستێكی باڵای حكومی وەرگرتبو و كەوتبوە ناو نازو نیعمەتەوە بابەتێكم لەسەر نوسراو نێردرا بۆ گۆڤارەكە ، من كە سەرپەرشتی گۆڤارەكەم دەكرد بڕیارمدا بۆی بڵاو بكەمەوە تا لە ژمارەی دواتردا بە وتارە وەلامێك بیتەزێنم و هەرچی لەدڵمدایە پێی بڕێژم چونكە لەو وتارەدا كاكی پلە باڵا هێرشێكی توندو ناڕەوای كردبوە سەرم و بەوە تومەتباری كردبوم كە من كوردێكی دواكەوتوم و سوكایەتیم بەعەرەب كردوە لەو بابەتەمدا ، بابەتەكەشم ئاماژەیە بۆ ئەوەی كورد و سەركردایەتی شۆڕش خۆیان ئامادە بكەنەوە بۆ گەڕێكی دیكەی شەڕی چەكداری، دوای ئەو وتارە سەركردایەتی شۆڕش داوایان كرد بە پەلە بەغدا بەجێ بهێڵم و بگەڕێمەوە گەڵالە چونكە ژیانم كەتۆتە مەترسیەوە لەبەغداو ئەوان ناتوانن لە بەغدا ژیانم بپارێزن ، سعید ناكام دەڵێت كەهاتمەوە گەڵاڵە چومە لای سەرۆك مستەفا بارزانی ، بابەتەكەم بە وردی بۆ گێڕایەوە ، سەرۆك مستەفا بارزانی وتی ئەوە كەسێكیدو مەجیدیە هەر ئەوەی لێ چاوەڕێ دەكرێت ، من لە دو مەجیدی تێنەگەشتم ، بارزانی كە زانی لە دو مەجیدی تێنەگەیشتوم وتی ئەزانی دو مەجیدی چیە گوتم نەخێر ، گوتی بابەسەرهاتەكەیت بۆ بگێڕمەوە :

جاران لە موسڵ بازاڕێك هەبو سەگ و تانجیان تێدا دەفرۆشت ، ڕۆژێك كوردێكی لای خۆمان دەچێتە ئەو بازاڕە بۆ سەگ كڕین ، گەماڵە سەگێكی گەورە ئەبینێت ئەڵێت ئەمە بەچەند ئەڵێن بە یەك مەجیدی ، كوردە ئەیكڕێت ، كەمێك دەچێتە ئەولاتر تولە سەگێكی بچكۆلەی هار دەبینێت ئەڵێت ئەی ئەمە بەچەند ئەڵێن بە دوو مەجیدی ، كوردە ئەڵێ یانی چی ئەم گەماڵە زلە بەیەك مەجیدی و ئەو تولە سەگە بچكۆلەیە بە دو مەجیدی ، پێی ئەڵێن ئاخر ئەم گەماڵە تەنها سەگە بەڵام ئەم تولەیە سەگ كوڕی سەگە ...

جا هەندێك لەوانەی چونە بەغداو پۆست و پلە و شتیان وەرگرت و دواتر بونە دوژمن و نەیاری میللەتەكەی خۆیان بەڕاستی دوو مەجیدین ...

بەداخەوە لە دوای ڕوخانی بەعس خەڵكانێكی زۆر ی لەم چەشنە بونە دو مەجیدی

 

PM:02:46:08/05/2025

ئه‌م بابه‌ته 428 جار خوێنراوه‌ته‌وه‌‌