ڕۆڵی هەلپەرستانەی هەندێک گروپی ئۆپۆزسیۆنی ناوخۆی
دحەسەن ئەحمەد ستەفا
لەوانەیە ئەم زەمینەیەیان نەمێنێت
قورسایی بەرگە نەگیراوی دواکەوتنی مووچە دەزانم. زۆر
باشیش دەزانم ئەو نادادپەروەرییە ڕەگداکوتاوە و ئەو مەزرای گەندەڵییەی کە ئەم خاکەی گرتۆتەوە چەندە مەترسیدارە. بۆ زیاتر لە سێ دەیە، ئێمە چانسی ئەوەمان هەبوو کە نەتەوەیەک بنیات بنێین کە ڕێز لە خۆی بگرێت. نەتەوەیەک کە بە شانازییەوە دەستی خۆی ماچ بکات، نەک دەستی ئەو کەسانەی کە درێژە پێدەری سیاسەتی بەعسن. لەبری ئەوە شاهیدی زیانگەیاندنین بە گەلێک کە شایەنی کەرامەت بوو نەک زەلیلکردن؛ نیشتمانێکی شکۆدار، نەک بارمتەی بەغداد.
لەوەش کارەساتتر ڕۆڵی هەلپەرستانەی هەندێک گروپی ئۆپۆزسیۆنی ناوخۆییە. لەجیاتی ئەوەی سەرەڕای تێبینییەکانیان، وەک بەرەیەکی یەکگرتوو لەدژی سەرچاوەی ڕاستەقینەی قەیرانەکە بوەستن، نابەرپرسانە هاوشانی فشارە سیاسی و ئابورییەکانی بەغداد، ڕوویان کردۆتە ناوەوە، ئازاری مووچەخۆرو بازاڕ بۆ قازانجی کاتی و گرێی دەروونی دەقۆزنەوە. ئەم فشارە ناوخۆییە تاکلایەنەیە چارەسەری قەیرانی مووچەی دواخستووە و بارگرانی لەسەر فەرمانبەران زیاتر کردووەو جورئەتی مانۆڕی زیاتری بە بەغدا بەخشیوە. پشتکردنە گەلەکەت لەم دۆخەدا هەڵەیەکی سیاسییە و پێم ناخۆشە وادەڵێم و ئارەزووی من نییە، بەڵام زەمینەی ئەوە دەڕەخسێنێت ئەولایەنانەی دژی میللەتەکەیان بوون، بخرێنە دەرەوەی پڕۆسەی سیاسی. ئەم میللەتە شایەنی باشترە و ناشێت کەس ڕکابەری سیاسی لەگەڵ بەرپرسیارێتی نەتەوەیی تێکەڵ بکات.
PM:09:14:16/07/2025
ئه‌م بابه‌ته 100
جار خوێنراوه‌ته‌وه